Անգլերեն դասականներ / Գուլիվերի ճանապարհորդությունները

«Գուլիվերի ճանապարհորդությունները» կամ «Ճանապարհորդություններ դեպի աշխարհի մի քանի հեռավոր երկրներ. չորս մասից բաղկացած պատմություն` գրված Լեմյուել Գուլիվերի կողմից, ով սկզբում վիրաբույժ էր, հետո նավապետ մի քանի նավերի վրա» (գրքի ամբողջական անվանումը) Ջոնաթան Սվիֆթի վեպը և՛ մարդկային էության երգիծանք է, և՛ «ճանապարհորդների պատմությունների» գրական ենթաժանր: Այն Սվիֆթի ամենահայտնի ծավալուն գործն է և անգլիական գրականության դասական նմուշներից մեկը: Սվիֆթը պնդում էր, որ գրել է «Գուլիվերի ճանապարհորդությունները» աշխարհին զայրացնելու, ոչ թե զբաղեցնելու համար:

Գիրքն անմիջապես հաջողություն ունեցավ:

«Գուլիվերի ճանապարհորդությունները» արժանացել է մենիպյան երգիծանք, երեխաների պատմություն, գիտաֆանտաստիկ վեպի և ժամանակակից վեպի նախակարապետ անվանումներին: