«Էդիթ Պրինտ» հրատարակչությունը հիմնադրվել է 1993 թվականին: Մասնագիտացած լինելով գրքերի տպագրման և հրատարակման գործում՝ իր երեսունմեկամյա գործունեության ընթացքում այն լույս է ընծայել ավելի քան 5000 անուն գիրք: Հանդիսանալով հայաստանյան գրաշուկայի առաջատարներից մեկը՝ «Էդիթ Պրինտը» հրատարակում է.

• Նախադպրոցական և դպրոցական գրականութուն
• Ուսումնաօժանդակ և մեթոդական ձեռնարկներ
• Մանկապատանեկան գրականություն
• Գեղարվեստական գրքեր
  ա) Դասական գրականություն
  բ) Ժամանակակից հայ և օտար հեղինակների գործեր
• Մասնագիտական գրականություն
• Ինքնազարգացմանն ուղղված գրքեր
• Բիզնես գրքեր և կենսագրականներ
   

ԿՐԹԱԿԱՆ ԾՐԱԳՐԵՐ

Հրատարակչության ուսումնադաստիարակչական և ժամանացային հարթակն է krtaditak.am կայքը, որն արդեն հասցրել է սիրվել երեխաների և պատանիների կողմից։ Ինտերնետային մեկ տիրույթում հասանելի են հայ և համաշխարհային մանկապատանեկան գրականության լավագույն նմուշները։Հարթակը հնարավորություն է ընձեռում`

• ինքնադրսևորվելու և ստեղծագործելու,
• կարդալու էլեկտրոնային գրքեր (դասագրքեր, ծրագրային, ուսումնաօժանդակ, գեղարվեստական գրականություն),
• մասնակցելու ամենատարբեր մրցույթների և էքսկուրսիաների,
• անցկացնելու օգտակար ժամանց՝ զարգացնելով մտածողությունն ու տրամաբանությունը:

ՎԵՐԱՊԱՏՐԱՍՏՄԱՆ ԴԱՍԸՆԹԱՑՆԵՐ

«Էդիթ Պրինտն» իրականացնում է նախադպրոցական և դպրոցական ուսումնական հաստատությունների ուսուցիչների և տնօրենների վերապատրաստումներ՝ ԿԳՄՍ նախարարության երաշխավորմամբ։ Հաշվի առնելով երկրում զարգացող ՏՏ ոլորտը՝ մենք գործարկել ենք ուսումնակրթական krtahartak.am կայքը, որը նախատեսված է ինչպես աշակերտների և ուսուցիչների, այնպես էլ լայն լսարանի համար: 

ԴՊՐՈՑԱԿԱՆ ԵՎ ՃԱՆԱՉՈՂԱԿԱՆ ԷՔՍԿՈՒՐՍԻԱՆԵՐ

Ծրագիրը դպրոցահասակներին եւ ուսանողներին առաջարկում է ծանոթանալ գրքի ստեղծման ողջ ընթացքին: Տպագրատան էքսկուրսիային հաջորդում է հետաքրքրաշարժ, զարգացնող և ուսուցողական հատվածը՝ ֆիլմերի, մուլտֆիլմերի դիտում, տարբեր հեղինակների ստեղծագործությունների ընթերցում-քննարկումներ և զարգացնող խաղեր:

ԱՅԼ ՄԻՋՈՑԱՌՈՒՄՆԵՐ

• Պարբերաբար կազմակերպվում են ընթերցանության մրցույթներ՝ միտված աշակերտների շրջանում գրքի և ընթերցանության նկատմամբ հետաքրքրության մեծացմանը:
• «Էդիթ Պրինտը» համագործակցում է բազմաթիվ ճանաչված գրողների, գիտնականների և ուսուցիչների հետ, ունի առաջնակարգ մասնագետներով ու ժամանակակից սարքավորումներով հագեցած տպարան և հրատարակչական մաս, որտեղ անցկացվում են քննարկումներ, սեմինարներ և շնորհանդեսներ:
• Հրատարակչությունը պարբերաբար մասնակցում է հայաստանյան և միջազգային գրքային ցուցահանդեսների, գրարվեստին վերաբերող մրցույթների, որոնց ընթացքում բազմիցս արժանացել է մրցանակների:
• Հանդես է գալիս տարբեր բարեգործական ծրագրերով և միջոցառումներով, այդ թվում՝ համայնքային և դպրոցական գրադարանների համալրումներ:
• Հրատարակչությունը պարբերաբար իրականացնում է տարաբնույթ ակցիաներ, ներկայացնում կորպորատիվ առաջարկներ (ամսվա տոն օրեր, Ամանոր, Գիրք նվիրելու օր, Երեխաների պաշտպանության օր, Անկախության օր, Ուսուցչի օր և այլն), որոնց ընթացքում հրատարակված գրքերի համար առաջարկվում են զեղչեր, տրամադրվում նվերներ և առաքման ծառայություն: